Loredana është ndër reperet më në zë dhe të suksesshme të momentit. Këngët e saj padyshim që brenda pak orësh numërojnë miliona klikime dhe rezultojnë shumë të pëlqyera. Reperja shpesh ndan momente nga jeta e saj personale duke nisur që nga postimet me vajzën dhe nga përditshmëria e saj.
Loredana shpesh poston foto dhe video nga përditshmëria e saj, duke na treguar edhe jetën e saj luksoze mes makina të shtrenjta, tufave me para dhe bixhuterive me vlerë marramendëse. Vetëm pak më para reperja ka postuar një foto, ku na tregon disa nga varëset e saj me gurë të çmuar.
Sukseset e Loredanës nuk kanë të ndalur e së fundmi reperja me anë të një Instastory ka treguar se tashmë ka arritur një tjetër sukses. Reperja ka tejkaluar zyrtarisht 1.2 bilion transmetime në ‘Spotify’. Ajo mbetet artistja femër më e transmetuar gjermanishtfolëse në këtë platformë.
Kanë kaluar vetëm pak ditë nga publikimi i këngës së saj të re, një bashkëpunim me artistin Yll Limani, i cili titullohet “Kriminele” dhe është pëlqyer shumë nga publiku. Së fundmi Loredana me anë të një postimi në Istastory ka treguar se po punon për këngën e saj të re, pasi shfaqet në një studio muzikore.
