Kiara po ndjen se ka një vëmendje të munguar dy ditët e fundit nga Luizi, kjo pas hyrjes së banorëve të rinj.
Dje Kiara madje u bë xheloze edhe për Keisin, pasi Luizi po qëndronte dhe në një farë mënyrë po e ngacmonte atë, për të parë reagimin e Kiarës.
Në dy ditët e fundit, Kiara është mërzitur me Luizin, pasi ky i fundit nuk e ka zgjuar me puthje në mëngjes, nuk i ka përgatitur mëngjesin dhe për këtë arsye ajo është ndjerë e “harruar”. Sot ajo u zgjua me të njëjtën energji dhe sërish debati me Luizin.
Ky i fundit e përqafoi dhe u përpoq ta qetësojë atë, por Kiara i kërkoi hapësirë dhe i tha të largohet.
