Një burrë në Britanin e Madhe u paraqit në spital me dyshimin se ishte infektuar me një sëmundje seksualisht të transmetueshme, por mjekët zbuluan se bakteri u rezistonte trajtimeve mjekësore. Ky është rasti i parë i raportuar i një infeksioni me rezistencë të lartë ndaj ilaçeve të përdorura dhe kombinimit të tyre duke vënë në panik autoritetet shëndetësore në Britani janë pasi zbuluan një rast të gonorresë, që u reziston shumë ilaçeve.
Sipas “The Guardian”, Pacienti kishte një partnere në Britani, por kontaktin me infeksionin e mori nga një takim seksual me një grua në Azinë juglindore. Përpjekjet për të hequr qafe infeksionin seksualisht të transmetueshëm me trajtimin e rekomanduar, një kombinim i antibiotikëve azithromycin dhe ceftriaxone, kanë dështuar.
“Ne jemi duke hetuar një rast i cili ka gonorre që është fituar jashtë dhe është shumë rezistent ndaj trajtimit të rekomanduar të linjës së parë“, tha Dr Gwenda Hughes.
“Kjo është hera e parë që një rast ka shfaqur rezistencë të tillë të nivelit të lartë për të dyja këto barna dhe për shumicën e antibiotikëve të përdorur zakonisht“, theksoi Hughes.
Mjekët thonë se po përdorin të gjitha opsionet që infeksioni të trajtohet efektivisht dhe rreziku i transmetimit të minimizohet.
Gonorrea, si sëmundje seksualisht e transmetueshme, ka shkaktuar shqetësim te organizatat ndërkombëtare të shëndetit, për shkak se në shumë raste, infeksioni i ka rezistuar antibiotikëve.
OBSH vlerëson se rreth 78 milionë njerëz në botë infektohen me gonorrhea çdo vit.
Mjekët thonë se rastet e fundit kanë vërtetuar frikën e tyre më të madhe: gonorrhea që u reziston ilaçeve po përhapet në botë dhe kjo është një çështje që duhet marrë seriozisht.
Simptomat e këtij infeksioni seksualisht të transmetueshëm janë sekrecionet e shtuara dhe djegiet gjatë urinimit. Nëse nuk trajtohet, ky infeksion mund të shkaktojë probleme serioze që mund të çojnë infeksione të zonës së barkut apo probleme të infertilitetit.
Frika nga gonorreja rezistente ndaj antibiotikëve në Britani të Madhe ka bërë që zyrtarët e shëndetësisë të gjurmojnë partnerët seksualë të njeriut për të kontrolluar përhapjen.
Dr. Hughes shtoi: “Shëndeti Publik në Angli monitoron dhe vepron në mënyrë aktive, përhapjen e rezistencës antibiotike në gonorre dhe dështimet e mundshme të trajtimit, dhe ka prezantuar mbikëqyrje të zgjeruar për të identifikuar dhe menaxhuar vonesat rezistente të infeksionit menjëherë për të ndihmuar në zvogëlimin e përhapjes së mëtejshme“.
