NË EKRAN APO NË INSTAGRAM? Kiara Tito tregon ku fitohen më shumë lekë - AlpeGossip
NË EKRAN APO NË INSTAGRAM? Kiara Tito tregon ku fitohen më shumë lekë

NË EKRAN APO NË INSTAGRAM? Kiara Tito tregon ku fitohen më shumë lekë

Kur sheh një profil të kuruar në Instagram, me veshje të bukura, restorante të shtrenjta, aksesorë firme e më the e të thashë, të krijohet ideja se e zonja e profilit është goxha e pasur. Në të kundërt, si përballon atë farë jete. Këtë ide, Dojna Mema, e mori dhe e ktheu në formën e një pyetjeje për Kiara Titon, që e ka kthyer Instagramin në një biznes.

“A je e pasur ti,” e pyet Dojna. “E pasur në shpirt,” i kthehet Kiara dhe vijon me, “pasuria nuk ka fund, por jam më mirë nga ç’kam qenë vitet e kaluara. Jam në gjendje më të mirë ekonomike.” Është Bricjap dhe e pranon dhe vetë që nuk kënaqet kurrë në aspektin material.

Në rregull, “fitohet më shumë nga Instagrami apo nga ekrani,” pyet sërish Dojna, dhe Kiara përgjigjet pa u menduar shumë. “Nga Instagrami. Flas për veten time, nuk e di. Mund të jetë një kombinim shumë i mirë i të dyjave se pa ekranin nuk mund të jesh e suksesshme në Instagram.”

Kështu që, kush ka ëndërr ekranin, ndoshta duhet të provojë dorën në YouTube e Instagram. Mund t’ju ecë më mirë andej.