Modelja e njohur Kristina Baki ka ndarë në ditën e 8 marsit lajmin se është në pritje të ëmbël.
Me barkun e rrumbullakosur dhe me disa foto ajo ka zbuluar se ishte në javën e 30-të të shtatzanisë. Ndërsa gjatë ditës së sotme ajo ka zbuluar gjininë e fëmijës, duke treguar se është në pritje të një vajze.
“Duke rritur një princeshë”, ka shkruar ajo në fotoalbunin e postuar së fundmi në Instagramin e saj
Ajo u shfaq tejet e bukur dhe me poza si modele në fotot e postuara dhe menjëherë ka mbledhur shumë pëlqime dhe komente nga ndjekësit dhe miqtë e saj, të cilët e urojnë për lajmin e ëmbël.
Ndërkohë sa i përket të dashurit të saj ajo nuk e ka bërë të njohur identitetin. Mirëpo nuk kanë munguar fotografitë nga çifti, ku në gusht të 2021 treguan se janë mjaft të dashuruar e të lumtur gjatë pushimeve.
Modelja sa i përket jetës private ka qenë shumë hermetike, por bëhet e ditur se ajo dhe i dashuri janë bashkë prej shumë kohësh.
