Parashutat më datën 9 janar dedikuar Donaldit, kanë hapur debate të shumta jashtë shtëpisë së “Big Brother VIP”. madje u tha se kjo nuk është pritur aspak mirë nga nëna e Beatrix Ramosajt.
Sipas medieve, Antigone Ramosaj ishte konfliktuar me moderatoren e dashur për publikun, Arbana Osmani, se po e trajtojnë shumë keq këngëtaren
Por një gjë e tillë nuk është aspak e vërtetë pasi ka reaguar menjëherë mamaja e Beatrix. Ajo ka hedhur poshtë lajmet se ka bërë debat me Arbanën apo produksionin e këtij reality show.
“E shoh të arsyeshme të reagoj pas disa shpifjeve të publikuara në portale, ku thuhet se unë kam debatuar ashpër me Arbana Osmanin dhe produksionin për trajtimin dhe provokimet që po i bëhen vajzës time në BBV. Dua ta sqaroj se çdo takim mes meje dhe produksionit ka qenë miqësor. Nuk kam pasur përballje as me Arbanën e askënd tjetër. Të dashur ndjekës të BBV zgjidhni mediat ku informoheni”, shkruan Antigone Ramosaj në postimin e saj.
