Muaj më parë bëri bujë në media sherri mes koreografit të njohur Albi Nako dhe mes balerinit Graciano Tagani. Graciano në një intervistë tregoi se Albi me vetëm një mesazh në Whatsapp e pushoi nga puna, ai madje e quajti Nako dhe mosmirënjohës.
“Një njeri i madh si Albi mund të pushojë nga puna vetëm nga WhatsApp-i me një mesazh. Unë Albin nuk e kam pasur vetëm koreograf, e kam pasur mik dhe minimalisht nga një mik e pret që të të japë një sqarim të paktën”, tha balerini asokohe.
Mirëpo, siç duket sherri i tyre ka marr fund pasi së fundmi Albi ka publikuar disa video nga “Alba Festival” në Zvicër ku shihet se Graciano është së bashku me të në trupën e baletit të këngëtares Elvana Gjata.
Ai ka publikuar disa video ku shihet duke qeshur me Gracianon ndërkohë që ky i fundit e thërret edhe maestro.