E kam bërë, se kam bërë”, ishte loja e radhës që Vëllai i Madh dha për banorët e shtëpisë më të famshme në Shqipëri.
Të vendosur përballë një monitori ku shfaqeshin situatat, me një tabelë në dorë ku në njërën anë shkruante e kam bërë dhe në tjetrën se kam bërë ata janë përgjigjur.
Kjo lojë sigurisht është realizuar edhe në “burgun” brenda shtëpisë, ku ndodhen Olta Gixhari, Kristi Aliaj, Armaldo Kllogjeri dhe Luiz Ejlli.Kam bërë tatuazh emrin e partnerit/partneres dhe jam penduar. Kjo ishte një nga situatat, ku përgjigjja e Luizit ka tërhequr vëmendje. Ai u shpreh se e ka tatuazh në dorë emrin e ish-partneres së tij dhe nuk është penduar aspak.
Kujtojmë që “Big Brother”, para dy ditësh, futi një zarf të zi në shtëpi, ku në të thuhej se Luizi, Olta, Armaldo dhe Kristi vazhdojnë të injorojnë rregullat e kësaj loje, njëra prej të cilave është edhe diskutimi për nominimet.
Për këtë arsye “Vëllai i Madh” i penalizoi banorët duke i “burgosur” në “Burg Brother Vip”. Dënimi fillon që nga mbrëmja e djeshme deri në Prime-n e ardhshëm.
