Meghan Markle është një ndër emrat më të lakuar të familjes mbretërore. Ajo ka sjellë shumë ndryshime në pallatin ‘Kensington’, ndaj dhe nga mediat e huaja është quajtur “uragani” i familjes mbretërore. Së fundmi, dukesha e Sussex-it është në qendër të vëmendjes për shkak të marrëdhënies me shoqen e saj të ngushtë, Priyanka Chopra.
Kur Meghan u martuar në maj me princin Harry, Priyanka ishte prezente në dasmën e saj. Ndërsa tani duket se rolet kanë ndryshuar, dukesha mungoi gjatë dasmës së shoqes me arsyen se është shtatzënë dhe nuk mund të udhëtojë, kur në të vërtetë, ajo ndodhet gjatë gjithë kohës në udhëtime të ndryshme. Sipas “The Sun”, thuhet se nëse Markle nuk i kërkon falje Priyankës, mikeshat nuk do të flasin më me njëra-tjetrën.
