Kush do të hiqte dorë nga sakrificat për bukurinë? Selena Gomez jo njëherë! Ylli i Disney-it ishte së fundmi në eventin e Hollywood Beauty Awards (event i përvitshëm që i dedikohet ndryshimeve që kanë ndodhur në industrinë e kozmetikës) , në Los Angeles dhe u shfaq e veshur kështu!
Në dukje, kemi një fustan të thjeshtë ngjyrë rozë me shpatulla të rëna, që Selena-s i shkon për mrekulli me fytyrën ëngjëllore. Por, ka një gjë që s’shkon!
Gomez nuk mundi të levizte as krahët me atë fustan veshur! Sa i komplikuar dhe sa i sikletshëm ishte, na e tregoi vetë këngëtarja përmes disa videove që qarkullojnë tani në Instagram.
“Nuk lëviz dot as krahët!”- dëgjohet të thotë Selena teksa përpiqet të kthejë gotën.
Kush s’e ka provuar një ndjesi të tillë, u themi se është gati njësoj me atë të një korseje të ngushtë që të merr frymën, apo getave që grisen kur sapo ke zbritur nga taksia.
