Fifi, këngëtarja shumë e pëlqyer nga publiku, kohët e fundit bëri një ndryshim në pamje duke humbur goxha peshë.
Fifi nuk po i kursen fotot me pamjen e re dhe së fundmi ka pozuar e veshur me streçe të zeza e bluzë të bardhë teksa ndryshimi që ka pësuar bën të mos njihet.
Këngëtarja ka marrë komplimenta të shumta nga miqtë e fansat.
Fifi ka treguar për “Prive” se i është dashur të binte në peshë për shkak të problemeve shëndetësore.
“Para dy tre vitesh kam thënë që kam probleme me shtyllën kurrizore, kam problem me hernia diskale, prandaj është dashur që unë me heq kilogramë. Ideja është që mua prapë nuk më intereson nëse shëndoshem nesër edhe prapë kam për t’u shëndoshur, thjesht e kam për shëndetin tim”, tregoi Fifi.
