Muajin e kaluar këngëtarja shumë e dashur për publikun dhe që na ka përfaqësuar në “Eurovision”, Linda Halimi u bë nënë për herë të parë. Linda solli në jetë një vajzë të cilën ajo dhe bashkëshorti amerikan e pagëzuan me emrin Kaimana.
Linda u kthye në qendër të vëmendjes së mediave për shkak të komenteve të shumta që e kritikonin për martesën me Davon Edwards.
Megjithatë këngëtarja nuk u ndikua aspak nga këto komente duke vazhduar të postojë foto me bashkëshortin dhe me vogëlushen e tyre.
Ditën e sotme Linda ka postuar një foto të Kaimanas e cila edhe pse nuk ka mbushur 1 muaj, i janë rritur flokët shumë.
“3-javëshe. Flokë për shitje… Ndonjëri?”, është mbishkrimi që i ka vendosur Linda fotos ku tregon flokët e vogëlushes.
