Vetëm pak ditë më parë, Valdrin Sahiti zbuloi se bashkëshortja e tij, Edita Ramadani, kishte sjellë në jetë fëmijën e tyre të dytë. Ata u bekuan sërish me një vajzë, të cilën e pagëzuan me emrin e veçantë Paris.
Por pas këtij lajmi kaq të bukur, ka ardhur një lajm që i ka trishtuar. Mëngjesin e sotëm, stilisti i njohur ka zbuluar se e shoqja ka humbur babanë e saj.
Sahiti ka publikuar në “Instagram” një foto të babait të bashkëshortes dhe shprehet mjaft i trishtuar për ndarjen e tij nga jeta. Stilisti shkruan se Edita humbi njeriun më të rëndësishëm të jetës dhe se i vjen keq që Parisi nuk mundi të njihej me gjyshin.
“Papritmas na le Eki… Editës ju pre buzëqeshja, ju shua feneri i jetës përgjithmonë. Bellës do ti mungojë përjetësisht gjyshi i saj i preferuar dhe Paris nuk do ketë fatin që ta mbaje qoftë dhe vetëm një herë në krahë. Po na le për një botë më të mirë me kujtime dhe mbresa të bukura si njeriu i jashtëzakonshëm që ishe dhe do të jesh gjithmonë për ne!”, shkruan Valdrini në një postim në Instagram.