Moderatorja e njohur Jona Spahiu dhe partneri i saj, i dhanë fund beqarisë pak javë më parë në një ceremoni madhështore, ku ishin të ftuar familjarët dhe miqtë e tyre më të afërt. Dasma e saj u komentua gjatë nga mediat dhe pamja e Jonës u pëlqye shumë nga publiku.
Pas dasmës së madhe Jona dhe Frenkli kanë nisur muajin e mjaltit. Dyshja nuk ka qenë shumë aktive në rrjetet sociale këto ditë dhe nuk e bënë të ditur destinacionin e tyre.
Por pak minuta më parë Jona ndau me ndjekësit e saj dy video, ku ka xhiruar si fillim pjesën e brendshme të hotelit dhe më pas ka dal në ballkon dhe ka treguar disa pamje nga vendi përrallor që po pushon me bashkëshortin.
Siç dihet Jona është në muajit e fundit të pritjes së ëmbël dhe çifti shumë shpejt do të bëhen prindër për herë të parë.
