Ledio Lako dhe Arjola Demiri kanë rregulluar marrëdhëniet e tyre pasi aktori i njohur i ‘Portokalli’ e thumboi ish-banoren e “Big Brother VIP” në një nga intervistat e tij të fundit.
Ledio feston sot ditëlindjen dhe Arjola i ka bërë një urim publik në Instagram. Ajo ka shpërndarë një foto të tijën duke shkruar: “Urime ditëlindjen. Me çfarë të do e bardha zemër”. Fotoja është ripostuar më pas nga djali i ditëlindjes i cili ka risjellë edhe një herë në vëmendje deklaratën e tij.
“Rrofsh! Edhe të mbajmë shinat e këtij rrugëtimi fort…”- duke i dhënë edhe një këshillë të drejtpërdrejtë dhe publikisht këtë herë.
Por, çfarë tha Ledio pak javë më parë?
Aktori deklaroi se në rrugën e artit nëse hyn është shumë e vështirë të dalësh, por shtoi se ka disa aktorë që kanë dalë nga shinat. “Në gjithë rrugën e artit po hyre është një rrugë pa kthim. Por, ka shina. Kush aktor është i disiplinuar di t’i mbajë shinat, ka shumë të tjerë që duan të dalin në det, duan të bëjnë koris të reja...”-tha ai asokohe duke iu referuar me fjalët “korsi të reja” atyre që duan të eksplorojnë gjëra të tjera.
Dhe një aktore që ka dashur ta bëjë këtë gjë ka qenë Arjola. Nëse kthehemi pas në kohën e “Big Brother VIP”, kujtojmë se kur nuk hapi kutinë e Pandorës Arjola tha se ëndrra e saj është të jetë prezantuese e “Portokallisë” dhe jo udhëtimi në Disneyland që iu ofrua. Pas daljes së saj, teksa ishte e ftuar në “Fan Club” ajo tha se roli në fjalë do ta rriste profesionalisht dhe nuk do ishte “thjesht aktore”.
Kjo deklaratë ngjalli shumë reagime atëherë pasi njerëz të ndryshëm e interpretuan si një zhvleftësim të punës së aktorëve. Madje, asokohe aktorja Lisa Kujovska e ka thumbuar ish-banoren e “Big Brother VIP” në Instagram duke bërë një paralelizëm me aktoren e famshme Sofia Loren, e cila thotë se në të vërtetë aktrimi është shumë më lart sesa prezantimi. Në postimin e bërë, Kujovska ka publikuar thënien duke e modifikuar për të thumbuar kolegen e saj.
“Ishte gjë e bukur, është fantastike, do bëjë humor. E kupton? Të plotëson, të rrit në një fare forme artistikisht, do kish thënë Sofia Loren e shkreta, po ta kishin bërë prezantuese. Për fat ishte me mend në kokë nuk e bëri”, shkroi Lisa.
As për Lisën dhe as për Ledion nuk ka patur një kundërpërgjigje nga Arjola.
