Megi, vajza e politikanes Jozefina Topalli është shtatzënë për herë të parë.
Lajmin e publikon ‘Iconstyle’ burime të të cilit thonë se Megi është në muajt e fundit të pritjes së ëmbël e madje ka bërë edhe blerjet e nevojshme për bebin që pritet të vijë në jetë së shpejti.
Lajmi i shtatzënisë së vajzës së ish-kryetares së Kuvendit të Shqipërisë vjen vetëm pak ditë pasi ajo u fotografua teksa ecte në rrugicat e zonës së ish-Bllokut në Tiranë krah një djali misterioz që mendohet se është partneri i saj.
Deri më tani nuk dihen detaje të tjera për gjininë e bebit apo se kur pritet që të vijë në jetë, ndërkohë që kujtojmë se do të jetë nipi ose mbesa e parë për zonjën Topalli që vetë është nënë e Megit dhe djalit më të vogël Genar.
