Këtë vit Arilena Ara ju bashkua grupit të jurisë së emisionit “The Voice Kids”. Kjo është eksperienca e parë e këngëtares si trajnere dhe gjatë këtyre javëve ka treguar se është shumë e zonja të stërvisë zërat e rinj të muzikës. Të premten që lamë pas Arilena u ngjit për herë të parë në skenë me skuadrën e saj për të dhuruar një performancë elektrizuese. Këngëtarja së bashku me fëmijët kënduan këngën e Michael Jackson “They don’t care about us” dhe arritën të rrëmbenin të gjitha duartrokitjet e publikut. Për këtë performancë, Arilena ka marrë vlerësime edhe nga Flori Mumajesi. Ai ka publikuar në ‘Instastory’ videon e Arilenës dhe përkrah saj ka shkruar: “Një thesar. Në vena”.
Të tilla vlerësime nga ana e artistëve janë të rralla, prandaj ky postim i Florit me siguri ka tërhequr vëmendjen e të gjithëve. Kujtojmë se pak vite më parë, dy artistët e njohur realizuan një bashkëpunim për këngën “Nallane”.
