Do ta donit një bashkëpunim tjetër nga Fifi dhe Kresha? Ata ndezën gjithë publikun në kompeticionin “Kënga Magjike” me projektin muzikor “Psikopatja jote” i cili rezultoi një sukses i vërtet pasi kënga vazhdon të dëgjohet e të jetë hit, edhe pas përfundimit të kompeticionit.
Në disa përgjigje që Fifi ka dhënë për ndjekësit e saj në Instagram, nuk e ka mohuar mundësinë e një tjetër bashkëpunimi me Kreshën, fakt ky që sigurisht na gëzoi.
Nga ana tjetër fansat kërkojnë edhe një bashkëpunim të Fifit me mikun e saj, Flori Mumajesin ndaj këngëtarja mori pikërisht këtë moment për t’ja kërkuar Florit publikisht diçka të tillë edhe pse na do mendja se dyshja e kanë menduar diçka të tillë më parë, aq kohë sa kalojnë bashkë në studion e Threedots.
Ndërkohë Fifin e frymëzon muzika e mirë dhe dashuria, të cilët ajo i konsideron komponentët kryesorë të krijimtarisë së saj.
Ndërsa përsa i përket pikës së dobët, për të është familja dhe nuk ka vend fare për diskutim.
Doni më nga Fifi? Me çka rrëfeu, presim një 2019-të edhe më produktive nga këngëtarja e cila është ndër artistet në ngjitje përsa i përket muzikës shqiptare.
