Pas publikimit të spotit të emisionit “E diell” në Top Channel, Jonida Maliqi, e cila kishte njoftuar se do të prezantonte një rubrikë, nuk u pa në asnjë fragment të videos.
Ditën e djeshme këngëtarja tregoi se për shkak të impenjimit të madh që kërkon spektakli i Eurovisionit, ajo kishte hequr dorë nga moderimi i emisionit dhe në vendin e saj tashmë do të vijë Ilnisa Agolli, mbesa e shkrimtarit Dritëro Agolli.
Nëpërmjet postimeve në profilin e saj në Instagram, Ilnisa ka njoftuar për ndjekësit se tashmë do ta shohim shumë shpejt në ekran, në emisionin e së dielës “E diell”.
