Siç është bërë e ditur kohë më parë, Bes Kallaku është duke punuar për filmin e tij më të ri. Gjatë intervistave Besi ka zbuluar se filmi do të jetë një komedi, me personazhin e njohur të ‘Skifterit’ që aktori sjell në skenë prej vitesh. Ai gjithashtu ka zbuluar se pjesë e kastit të aktorëve do të jenë 2 këngëtaret shqiptare, Bleona Qereti dhe Enca, gjë që u prit shumë mirë nga publiku. Ditën e sotme ai ka publikuar një foto ku shfaqet së bashku me reperin e njohur shqiptar, Unikkatil, duke ngritur kështu dyshimet se ndoshta dhe ai do të jetë pjesë e filmit ‘Falco’. Fansat e tyre menjëherë kanë reaguar në komente, duke u shprehur se kjo dyshe ishte një ‘dyshe legjendash’. Ky lajm nuk është ende i sigurt, kështu që nuk na mbetet asgjë tjetër përveç se të presim një konfirmim zyrtar.
