I ftuar sot në “Zonë e lirë”, reperi G.Wizze ka folur për këngën e tij më të fundit “24 orë” në të cilën flet për reperët shqiptarë që sipas tij janë bërë të famshëm falë tij dhe të tjerëve që kanë qenë me të në Angli. Në një pjesë të këngës, G Wizze shprehet: “Pjeshka e Durrësit me buzët e trasha bën si ndër më të suksesshmit në Shqipëri”.
“Nuk dua t’i bëj publicitet emrave të reperëve të tjerë”, tha ai sot kur Çani e pyeti nëse këtë pjesë e ka për Noizyn. “Pra është rastësi? Se siç më vajti mua mendja te Noizy u shkon dhe të tjerëve se nuk ka reper tjetër me buzë të trasha”, i tha Çani.
“Nuk dua të përmend emra, ata e dinë vet se kush është”, u përgjigj reperi.
