I ftuar së fundmi në rubrikën “Një ditë me” në Pop Culture ishte aktori Olsi Bykyku, i njohur si Kimikati nga roli i tij në Portokalli. Gjatë intervistës së zhvilluar në makinë, Dojna Mema e pyeti Olsin për shkollën dhe nëse e frekuenton atë. “Studioj për menaxhim biznes, shkoj ndonjëherë, por këto kohë kam qenë i angazhuar me Portokallinë. Unë rrugën time e kam gjetur, por shkolla më nevojitet për formim”, u shpreh Olsi. “Lexo libra ti, lexo libra”, i tha Dojna. “Shumë, por edhe librat i kam lënë pas dore. Kur kam qenë në gjimnaz kam pasur fiksim librin Sekreti”, u shpreh aktori. “Sekreti, Dan Brown”, ishte gafa e Dojnës e cila siç duket e ka harruar që Sekretin e ka shkruar Rhonda Byrne.
Por edhe Olsi i cili u shpreh se e pëlqente shumë këtë libër, nuk e dinte që e ka shkruar Rhonda dhe vazhdoi të shprehej me pasion: “Kam pas mbaruar për atë libër, vetëm fjalët sa bukur, më frymëzonte”. Ndiqeni këtë moment në videon më poshtë.
