Tre nga pesë anëtaret e grupit polifonik “Jehona”, Irini Qirjako, Sabahet Vishnja dhe Fiqerete Kapaj ishin të ftura në emisionin “Rudina” këtë pasdite. Tri këngëtaret improvizuan një këngë në studio, duke mrekulluar moderatoren Magjistari.
“Fantastike, fantastike, po më vjen të lotoj nga bukuria e zërave tuaj…”, tha Rudina pas përfundimit të këngës. Ajo e cilësoi veten me fat që i kishte tre artistet duke kënduar në praninë e saj.
“Fantastike, janë perla të vërteta dhe po ndihesha me fat gjatë kohës që ju këndonit…thashë sa me fat jam që i kam kaq pranë dhe ato po këndojnë këtu. Të mrekullueshme, të mrekullueshme”, shtoi modeartorja.
