Kejvina Kthella ka vendosur që të rikthehet sërish në rrjetet sociale dhe të jetë aktive. Shpulla ndaj Luiz Ejllit nuk i kushtoi vetëm përjashtimin nga “Big Brother VIP2”, por arriti deri aty sa ajo të shkëputej nga rrjeti social ‘Instagram’.
Ndërsa pak kohë më parë ajo i dërgoi një dron këngëtarit ku i shkruante se e kishte xhan. Më pas, Kejvina hapi “Instagram”-in duke bërë një shkrim ku kërkonte falje, Luizit dhe fansave të tij.
Marrëdhënia me ish-konkurrentët duket se nuk është harruar nga Kejvina. Ditën e djeshme, ajo ka takuar Tea Trifonin, e cila së fundmi u eliminua nga shtëpia më e famshme në Shqipëri.
Dy vajzat po shijojnë një gotë verë po duket se veset e krijuara brenda shtëpisë nuk harrohen kollaj.
‘Po zihemi për cigaret. Hahahah por jo jo duhemi, duhemi’- shkruan Kejvina në “Instastoy”, duke cekur cigaret, për të cilat bëhej sherr brenda shtëpisë.
