Së fundmi në portale është diskutuar gjatë lëvizjet e ndryshme që po ndodhin në televizionet e njohura shqiptare. Me përgatitjen e fillimit të sezonit të ri televiziv shumë moderator, gazetar dhe aktorë kanë braktisur televizionet që kanë qenë prej kohësh dhe janë zhvendosur diku tjetër.
Më i fundit ishte Turjan Hyska me Apartamentin 2 XL, i cili la Vizion Plus dhe nga sezoni tjetër do ta shohin në Klan Tv. Mirëpo mesa duket lëvizje të shumta po ndodhin edhe në ‘Top Channel’, pasi moderatori i njohur Florian Agalliu mund të largohet nga drejtimi i emisionit” Në shtëpinë tonë”.
Në një postim të bërë pak minuta më parë në instastory, ai shihet me pjesën tjetër të stafit duke i dhënë lamtumirën.
Përmbi foto ai shkruar: “Do të na mungojnë” duke ngritur kështu dyshimet se nuk do ta shohim sezonin tjetër në drejtim të këtij emisioni.
