Rreth një muaj më parë mediat shkruajtën se Eros Grezda dhe Oriola Marashi kanë zyrtarizuar marrëdhënien e tyre pasi familjet e të dyja palëve janë takuar, ndaj Oriola dhe Eros janë gati të shpallin fejesën.
Sipas asaj që thuhej lart e poshtë, pritej vetëm që çifti të shkëmbente unazat dhe ky moment ishte shtyrë deri në përfundimin e gjendjes së pandemisë.
Mirëpo, me fotot e fundit që ka postuar në Instagram Oriola sapo na ngriti disa pikëpyetje.
Kjo pasi ajo që na ra në sy menjëherë është unaza që shndërrin në dorën e modeles, që mbi të gjitha ndodhet edhe në gishtin e fejesës.
Sakaq, në komentet poshtë fotos na tërhoqi vëmendje edhe ajo çka ka shkruar Dorina Mema, e cila thotë: “E paske bërë dorën si të mamasë”.
