Rozana Radi sapo shpalli fejesën e saj dhe mori propozimin magjik në Capri. Këngëtarja ka vendosur t’i japë fund beqarisë me oficerin e policë që bashkëjeton prej 5 vitesh.
Rozana Radi është një nga artistet më të dashura për publikun shqiptar. Prej kohësh ajo është në një lidhje të konsoliduar, dhe e ftuar nëpër emisione këngëtarja ka bërë të ditur që bashkëjeton prej 5 vitesh me partnerin e saj.
Ditën e sotme ka marrë edhe propozimin për martesë në Capri, të cilin e bëri publik me një foto të shpërndarë në rrjetet sociale. Por kush është djali që i rrëmbeu zemrën artistes e cila dukej një natyrë shumë mosbindëse dhe kokëfortë?!
Ai është Shpëtim Karakushi, officer i policisë gjyqësore. Dyshja janë shfaqur për herë të parë publikisht në momentin që Rozana rrëmbeu kupën në spektaklin “Kënga magjike”.
Këngëtarja Rozana Radi dhe i dashuri i saj Shpëtim Karakushi
Vetë këngëtarja ka preferuar ta mbajë partnerin larg vëmendjes së kamerave, duke mos publikuar asnjë foto me të në rrjetet sociale.