Ministrja e Mbrojtjes Olta Xhaçka në një intervistë ka folur për familjen dhe disa aspekte të punës së saj.
E pyetur se për çfarë e ka zili bashkëshortin e saj në pjesën politike, Ministrja është shprehur se : “Ai ka një intuitë që unë ja kam shumë zili. Ka një aftësi për të parë përtej asaj që duket, ndërsa ka shtuar se është një person vizionar, largpamës, siç e do politika, për të arritur qëllime shumë të mëdha dhe shumë të mira, në punën që bën.
Ministrja Olta Xhaçka është e martuar me ish- deputetin socialist Artan Gaçi dhe kanë një fëmijë, Hanën.
Gjithashtu, Xhaçka ka folur dhe për detyrën e saj si Ministre e Mbrojtjes dhe sikletin që përjeton çdo ditë kur i duhet të përshëndetet me ushtarakët.
“Do jem shumë e sinqertë me ju, ende më vë pak në siklet ajo përshëndetja. Megjithatë është pjesë e punës, disiplinës së Forcave të Armatosura”, ka thënë ajo.
Ndërsa, ka shtuar se pavarësisht sikletit, e respekton disiplinën dhe rregullat e institucionit.
