Rrëfehet për herë të parë aktori shqiptar: Zgjodha televizionin se me teatrin nuk ushqej dot familjen

Një ndër të ftuarit e emisionit Thumb me Aulonën dhe Fatmën ka qenë moderator dhe aktori i njohur Florian Agalliu.

Flori është një personazh mjaft i dashur dhe i sinqertë, nisur nga kjo ai e ka kaluar me mjaft sportivitet intervistën paksa thumbuese.

Gazetarja e ka pyetur nëse ai ka lënë aktrimin dhe është fokusuar në television, për arsyen se televizioni ka më shumë të ardhura dhe duket se kjo ka rezultuar e vërtetë.

“Teatri në Shqipëri të le të varfër nuk të jep mundësi jetese ekonomike të mbulon pjesën e pasionit, e dashuroj teatrin por në fund të muajit nuk ke shumë të ardhura të mbulosh faturat, shpenzimet kërkesat e fëmijës, kështu që televizionin e kam parë si një mundësi alternative për të mbuluar pjesën ekonomike”.-është shprehur Flori për mikrofonin e Thumb.