Grimieri me origjinë shqiptare, Mario Dedivanovic renditet ndër emrat më të njohur të artistëve të “make up”-it në mbarë botën. Ai ka ndërtuar një karrierë të suksesshme dhe një pjesë e madhe e vajzave të njohura në “Hollywood” kurohen nga duart e tij. Pas gjithë punës së tij, sigurisht që merren me mend edhe të ardhurat dhe jeta luksoze që bën grimieri shqiptar. Madje këtë gjë mund ta tregojnë më së miri pamjet e shtëpisë së tij. Mario ka publikuar në “Instagram” disa foto nga apartamenti, i cili është i arreduar në një ndërthurje mes stilit klasik dhe atij modern. Duket se çdo gjë është e menduar në detaje dhe prandaj shtëpia e Marios është e denjë për katalogët e revistave të modës dhe stilit. Madje shtëpia e grimierit shqiptar është përfshirë edhe në librin e arkitektit të njohur, Ryan Korban.
