Vitin e kaluar bëri bujë historia e Luana Vjollcës me fansin që e admironte dhe e përndiqte prej disa muajsh, i çonte dhurata, buqeta me lule dhe mesazhe pafund ku i shprehte dashurinë, i shkruante se e priste poshtë shtëpisë apo tek puna, mesazhe që ishin kthyer në shqetësim për këngëtaren.
Ai quhej Besmir Lila, 32 vjeç, nga Tepelena, banues në Lundër dhe kishte jetuar prej vitesh në Angli. Madje u tha se ishte kthyer në Shqipëri për Luanën.
Në prill të vitit të kaluar kur Luana doli nga puna, Besmiri e ndoqi nga pas me makinë. Këngëtarja kërkoi ndihmën e partnerit të saj, Krenar Çoçaj dhe kur ngecën në trafik mes Krenarit dhe Besmirit kishte plasur sherri. Në ngjarje rastisën dy oficerë policie të cilët në momentin që janë afruar kanë pikasur se fansi po nxirrte nga çanta një armë, dhe e kanë ndaluar.
Në gusht Besmir Lila u deklarua i fajshëm për veprat penale: “përndjekje” dhe “prodhim dhe mbajtje pa leje e armëve të gjuetisë dhe sportive”.
Ai u dënua me 9 muaj burg, por përfitoi uljen e 1/3 së dënimit nga gjykimi i shkurtuar dhe kështu duhet të vuante 6 muaj.
Megjithatë siç shihet edhe nga postimet e tij në Facebook, Besmir Lila është liruar në tetor të vitit të kaluar.
Për disa kohë ai ka qëndruar jashtë shtetit dhe në shkurt është rikthyer në Shqipëri.
