Aleksandër Gjoka ka komentuar për herë të parë mënyrën e organizimit të Festivalit të RTSH këtë vit që u shoqërua me polemika e debate të shumta.
Ndërsa shprehu edhe pakënaqësitë ndaj Festivalit. Ai tha se është thyer kodi duke vënë në konkurrim një kompozitor maqedonas dhe u shpreh se organizatorja Vera Grabocka nuk ka lidhje me muzikën dhe këngën, pavarësisht sa e mirë mund të jetë.
“Më kanë dërguar ftesë në festival por nuk pranova. Ndoshta më mbushet mendja për ndonjë këngë dhe mund të godas, por jo për çmim.
Festivali i fundit për organizimin është thyer kodi. Nuk më pëlqeu ishte kompozitor i huaj.
Nuk më pëlqeu që Vera, të tre e kemi mike, është organizatore e mirë por nuk ka lidhje fare me muzikën, këngën. Këngët u morën në rrogoz. Nuk kishte asgjë transparente,”– tha ai në studion e lajmeve të News 24.