Pavarësisht se kohët kanë ndryshuar dhe njerëzit janë më të emancipuar, duket se ende ka nga ato mendje që kritikojnë se si një nënë duhet të vishet.
Ditën e djeshme ishte Arbana Osmani, ajo që u kritikua lidhur me veshjen e saj, ku disa përdoruese të rrjeteve sociale, komentuan në profilin e saj, duke u shprehur se po humbisnin respektin për moderatoren për shkak të mënyrës që ajo ka zgjedhur të vishet, ndërkohë që është nënë e tre fëmijëve.
Arbana ka preferuar t’i përgjigjet ndjekëses së saj, duke shkruar: “Elsa një grua mund të ketë dhe 7 fëmijë e prapë të vishet si ti dojë qejfi. Ashtu siç vishet një burrë, të cilit ti kurrsesi s’do ia lije këtë koment”.
Mbrëmjen e kaluar, një tjetër personazh publik është kritikuar dhe bëhet fjalë për Sara Hoxhën, e cila ka bërë një bisedë virtuale me ndjekësit e saj në Instagram. Fituesja e “DWTS” ka marrë një koment aspak të këndshëm, ku dikush shkruan: “Pse rri ekstrem e zhveshur? Çfarë shembulli je për vajzën?”
Sara, e cila ka bërë debutimin e saj të parë si aktore në filmin në “Në Kuadër të Dashurisë” ka zgjedhur t’i përgjigjet ndjekëses së saj, duke shkruar: “Shembulli më i mirë për atë është të kuptojë që jeta është e saj dhe mund të bëjë çfarë t’i dojë qejfi”.
Kjo nuk është hera e parë që Sara kritikohet lidhur me vjeshjet e saj. Kujtojmë që muajin e kaluar, Sara postoi një foto në profilin e saj të Instagramit, teksa ka ekspozuar të pasmet, ku shfaqet me bikini duke ngritur pantallonat. Por, njerëzit nuk e kanë pritur mirë, madje kishte nga ata që thanë se po e bënte për vëmendje.
“Pse e bën veten të keqe kur je e mirë”, i ka shkruar një fans dhe një tjetër më pas shton: “Turp me këto foto”.
Një tjetër personazh që është gjithmonë në qendër të kritikave sa i përket veshjeve të saj është Aulona Musta, e cila jo shpesh herë ka reaguar ashpër ndaj përdoruesve të rrjeteve sociale lidhur me gjykimin që i bëhet për mënyrën se si ajo zgjedh të vishet.
