Mesa duket, së shpejti do të kemi një bashkëpunim mes Elvana Gjatës dhe reperit tuaj të preferuar Ledri Vulës.
Prej ditësh Elvana e ka treguar edhe stilin që do të ketë në klipin e ri dhe është për t”u thënë se duket shumë e mirë. Kënga e tyre do të quhet “Mike”, marrë shtysë nga një koment që Ledri i ka bërë Elvanës në një foto. Pjesë e kësaj kënge do të jetë edhe këngëtari shqiptar që jeton në Australi Johan Shahu.
Sipas informacioneve, kënga ka përfunduar dhe pritet të publikohet së shpejti, ndërsa Palermo e Italisë është vendi ku është xhiruar klipi.
Ndërkohë kujtojmë që para pak ditësh AlpeNews.al siguroi foto të Elvanës dhe Ledrit nga aeroporti i Romës.
