Ditën e djeshme këngëtarja Era Istrefi ka festuar ditëlindjen. Ajo ka mbushur plot 25 vjeç dhe e ka festuar mes mijëra fansave shqiptar që ishin mbledhur tek sheshi Skënderbej për ta ndjekur.
Erës i kanë kënduar këngën e ditëlindjes të gjithë fansat e saj së bashku dhe në prapaskena motra e saj Nora dhe kunati Robert e kanë surprizuar me një tortë.
Pas koncertit, bukuroshja shqiptare ka mbledhur të gjithë miqtë, bashkëpunëtorët dhe familjarët në një festë ku të gjithë janë argëtuar deri në orët e para të mëngjesit. Era kishte veshur një palë pantallona të zeza dhe një top crop me pupla rozë, ndërkohë që në ambientin ku u mbajt festa nuk mungonte dhe dekorimi i veçantë, ku në sfond dalloheshin tullumbacet me moshën e Erës.
