Probleme me shëndetin mendor/ Selena Gomez ndihet nën presion

Ditën e sotme mediat rozë kanë raportuar se Selena Gomez është shtruar në spital për shkak të një problemi me shëndetin mendor. Duket se këto shqetësime në jetën e saj kanë ardhur për shkak të presionit nga shumë njerëz. Një burim pranë këngëtares ka thënë për ‘Us Weekly’: “Ajo është shumë e mirë, mendon shumë dhe është e ëmbël, por ajo ndihet përgjegjëse për shumë persona të tjerë. Ka shumë presion”. Më tej i njëjti burim ka treguar se Selena është shumë e ndjeshme dhe nuk do të jap deklarata në media për gjendjen e saj dhe nuk do të pyetet për gjëra që ajo nuk dëshiron të flasë. Personat që kanë punuar me të thonë se pavarësisht se ajo nuk shfaqte asnjë shenjë, linte të kuptohej se po vuante nga depresioni. Në fakt vetë këngëtarja pak kohë më parë në një intervistë për “Harper’s Bazzar” ka treguar se prej vitesh lufton me depresionin dhe se nuk mendon se do ta kalojë ndonjëherë këtë problem.