NJËSOJ SI NJË FILM/ Butrint Imeri zbulon prapaskenat nga videoklipi i ri (VIDEO)

Dy ditë më parë, Butrint Imeri publikoi projektin e tij më të ri muzikor, “Kush?”. Videoklipi i këngës duket si i shkëputur nga një film dhe po njësoj janë dhe prapaskenat e tij. Butrinti ka publikuar në ‘Instagram’ një video përmbledhëse nga prapaskenat, ku ka treguar sa shumë punë është dashur për të arritur deri tek produkti final. Terreni në të cilin klipi është realizuar nuk duket aspak i thjeshtë dhe kjo ka qenë një sfidë e madhe për këngëtarin dhe gjithë stafin e tij. Nëpërmjet videos Butrinti ka treguar se u është dashur të qëndrojnë me netë të tëra pa gjumë për të realizuar gjithçka në perfeksion dhe se gjatë atyre ditëve kanë harruar fjalën lodhje. Me siguri gjithçka duhet të jetë harruar, duke marrë parasysh suksesin që pati kënga brenda dy ditësh.