Jonida Maliqi ka treguar planet për një fëmijë të dytë.
Këngëtarja shqiptare ishte e ftuar këtë mbrëmje në emisionin “Në Kurthin e Piter Pan”, ku deklaroi se ka pasur gjithnjë ëndërr të kishte 5 fëmijë.
Ajo nuk përjashtoi mundësinë që në të ardhmen mund të bëhet nënë sërish.
“Fëmija është bekim i Zotit. Kam pasur ëndërr të kem 5 fëmijë. Nuk i dihet kurrë. Nuk e di çfarë do më rezervojë e ardhmja”, u shpreh Jonida.
Këngëtarja është nënë e një djali që quhet Dan dhe të cilin e kemi parë shpesh herë në profilin e saj në Instagram.
Një tjetër fëmijë e pyeti Jonidën nëse ka një shok dhe këngëtarja iu përgjigj:
“Unë kam shok diamantin tim të vetëm që është Danushi”.
