Ditën e djeshme reperi i njohur Fero ka publikuar këngën e tij më të re të titulluar “Fol edhe një herë”. Kënga u prit mjaft mirë edhe deri tani është klikuar shumë herë në Youtube.
Fero mbrëmjen e djeshme e ka shpërndarë këngën në profilin tij në ‘Instagram’ dhe pranë saj ka zbuluar se nga është frymëzuar për ta bërë këtë këngë. Ndonëse do të duket e çuditshëm, reperi është frymëzuar nga gazetari i njohur Ervin Kurti.
Kujtojmë se kur vitin e kaluar, Fero ishte i ftuar në ‘Top Show’ u pyet nga Ervini: “Pse nuk i do femrat që kanë Instagram për t’i pasur të dashura ose partnere?”.
Ndërsa Fero iu përgjigj duke thënë: “Fol edhe njëherë vëllaçko!”. Pikërisht këtë shprehje Fero e ka përdorur si refren të këngës së tij të re.
