Jo më kot zinku quhet vitamina e bukurisë. Është i dyti, pas hekurit, që gjendet me bollëk në trup, dhe disa nga funksionet kyçe të tij janë mbrojtja e lëkurës, flokëve, dhëmbëve dhe thonjve, pa përmendur funksionin e sistemit imunitare dhe gjendjes emocionale.
Megjithatë, pavarësisht rëndësisë së madhe të zinkut, shumë prej nesh mund të kenë mungesë të saj.
Sipas Organizatës Botërore të Shëndetësisë, rreth 31% njerëzve në të gjithë botën kanë mungesë të këtij minerali.
Trupi nuk e ruan zinkun, prandaj duhet ta sigurojmë atë nga ushqimet. Vegjetarianët zakonisht janë ata që vuajnë më shumë nga mungesa e zinkut, duke qenë se mishi është burimi kryesor i këtij minerali.
Ja cilat janë disa nga ushqimet e pasura më shumë me zink, dhe që duhet t’i konsumoni patjetër nëse nuk doni të keni probleme me lëkurën, rënie të flokëve, thonj të brishtë, ulcerë në gojë apo prishje të dhëmbëve.
Ushqimet e pasura në zink:
Bajame – 3.3 mg/100g
Fasule – 0.9 mg/100g
Gjoks pule- 1.1 mg/100g
Djathë çedër- 4.1 mg/100g
Mish gjeli i detit- 2.5 mg/100g
Produktet e sojës – 0.7 mg/100g
Sardele, në skarë- 0.9 mg/100g
Salmon, në skarë- 0.6 mg/100g
Oriz kaf, i gatuar – 0.9 mg/100g
Fruta të thata- 1.6 mg/100g
Vezë pule, të ziera – 1.3 mg/100g
Mish viçi pa dhjamë – 9.5 mg/100g
Salcice derri, në skarë – 1.4 mg/100g
Gjoksi i qengjit, i skuqur – 5.1 mg/100g