Duke qenë një nga artistet shqiptare më të dashura për publikun, Rozana Radi është edhe ndër më të ndjekurat në rrjete sociale ku është çdo ditë aktive. Artistja i mban fansat të përditësuar me të rejat nga jeta e saj, por edhe i bën për të qeshur me statuset apo videot që publikon.
Në statusin e fundit, Rozana e ka flliqur publikisht komshien e saj e cila është ndarë nga i dashuri duke u ankuar për muzikën e trishtë që ajo dëgjon me zë të lartë.
“Kam një komshie ngjitur me derën time që është ndarë nga i dashuri dhe çdo ditë dëgjoj me zë shumë të lartë muzikën më të trishtë në botë! Aq shumë na ka mërzit me këto këngë të dhimbshme sa ka fillu mi i mungu të gjithë komshinjve i dashuri i kësaj”, shkruan Rozana.
