Megjithëse nuk e pranuan asnjëherë publikisht romancën e tyre, është bërë e ditur se marrëdhënia e koreografit Albi Nako dhe balerinës Alba Hoxha ka marrë fund.
Sipas burimeve për “Panorama”, Alba dhe Albi bashkëjetonin prej kohësh në shtëpinë e këtij të fundit.
Mirëpo pas ndarjes Alba është larguar nga shtëpia e partnerit dhe ka marrë me vete gjërat e saj.
“Panorama” shkruan se ky vendim lidhet me ndikimin që kanë patur familjet e secilës prej palëve.
Albi ka treguar shpeshherë se bazohet në sugjerimet e prindërve pasi janë shumë të rëndësishëm për të, ndërsa rikujtojmë se babai i koreografit, Llaqi Nako, është shprehur më herët se nuk dëshironte që Albi të martohej me një balerinë.
Gjithashtu thuhet se prindërit e Albës ishin skeptikë për të bijën, duke marrë parasysh si përfundoi historia e koreografit me Klaudia Pepën.
Dyshja nuk ndiqet më në Instagram dhe ende nuk dihet nëse vendimi i ndarjes së tyre është përfundimtar.
Mirëpo si gjithmonë, ata kanë vendosur të mos flasin as kësaj here publikisht.
