Mund ta quajmë pa frikë një befasi televizive rikthimin e “Big Brother” në “Top Channel” këtë vit.
Lajmin e ka zbuluar skenografi Fatmin Minga, i cili në një intervistë për Top Channel, tha se “Vëllai i Madh” do të nisë shumë shpejt vëzhgimin e banorëve të tij dhe se përgatitjet kanë nisur që tani.
Muna zbulon gjithashtu një detaj tjetër tepër intersant. Shtëpia më e famshme në Shqipëri, këtë herë do të jetë pranë televizonit. “Jemi në ambientet ku posa kanë filluar punimet e BIG Brother-it. Kam një kënaqësi të them sepse për “Big Brother” është hera e parë që kthehet në shtëpi, gjithmonë kemi pasur ambiente jashtë televizionit. Do të jetë një “BIG BROTHER” i madh siç di të bëjë “TOP CHANNEL” , me studio gjigande dhe përgjegjësi maksimale nga ana vizuale”, thotë Fatmir Minga.
“Big Brother” është një nga programet televizive më të ndjekura në vend. Jemi tërë sy e vesh për të mësuar të rejat e këtij viti, të cilat me siguri do e mbajnë publikun të mbërthyer pas ekranit.
