Ai është një nga moderatorët dhe gazetarët më të suksesshëm në mediat shqiptare, që prej vitesh drejton emisionin ‘Opinion’ që është një nga më të ndjekurit nga publiku. Ditën e sotme Blendi Fevziu feston ditëlindjen e tij dhe mbush 49 vjeç.
Këtë gjë e ka zbuluar vetë nëpërmjet disa postimeve që ka bërë pak më parë në profilin e tij në Instagram.
Ai ka ndarë me miqtë dhe ndjekësit e tij disa pamje nga festa private që ka organizuar me familjen e tij. Siç shihet dhe në pamje mesa duket vajzat e tij dhe bashkëshortja kanë organizuar një surprizë madhështore për gazetarin.
Në fotot e publikuara shihet se ata e kanë zbukuruar shtëpinë plotë me tullumbace shumëngjyrëshe dhe Blendi mban në dorë tortën e ditëlindjes dhe zgjedh që qirinjtë ti fryjë me vogëlushen e tij.
