“ÇËSHTJA I KA KALUAR DREJTËSISË”/ Fiori Dardha reagon pas lajmeve për kërcënim

Moderatorja dhe autorja e emisionit investigativ “Boom”, Fiori Dardha, mbrëmjen e djeshme mori një kërcënim për shkak të ushtrimit të detyrës së saj. Në lajmet e publikuara në media thuhej se Fiori kishte marrë një telefonatë nga ish-kryetari i komunës Perondi, i cili e ka ofenduar dhe kërcënuar me jetë moderatoren e njohur. Në emisionin “Boom” është trajtuar çështja e një ankandi për dhënien e tokave me qira dhe ish-kryetari i komunës me vendimet e tij ka shkaktuar konflikt në fshat. Duke qenë se ai prekej nga kjo temë, ka kërcënuar drejtpërdrejtë autoren e emisionit, Fiori Dardhën. E kontaktuar nga ‘RevistaWho.Com’, Fiori nuk e mohoi lajmin dhe tha se çështja i ka kaluar drejtësisë. Fiori Dardha së bashku me Rozana Radin drejton që nga viti 2016 emisionin investigativ, në të cilin janë trajtuar tema nga më delikatet që kanë sjell probleme në shoqërinë shqiptare.