Vetëm para pak ditësh në ‘Dance with me’, Eliona Pitarka deklaroi publikisht se është në një lidhje dashurie. Aktorja ia dedikoi kërcimin partnerit i cili ndodhej në sallë duke e ndjekur. Më pas burime nga ‘Iconstyle’ arritën të siguronin një foto të partnerit të saj.
Ndonëse të gjitha këto kanë ndodhur tani shpejt, Eliona ka ditur si t’i konfuzojë të gjithë me veprimin e saj të fundit. Ajo ka publikuar një foto të re në profilin e Instagramit dhe ajo që ka shkruar ka ngjallur dyshime te fansat: A është ndarë Eliona Pitarka?
“Ajo nuk mbështetet në askënd sepse e ka kuptuar që askush nuk mund t’i përmbush nevojat e saja aq mirë sa ajo vetë. Ajo e respekton dhe i beson vetes aq shumë sa për të arritur e vetme gjithçka që dëshiron”, ka shkruar Eliona duke treguar se vetja e saj është në plan të parë dhe që askush nuk mundet ta përmbushë.
