Arbana Osmani ka treguar se rrugëtimi në programin “Dua të të bëj të lumtur”, ka qenë më i vështirë se “Big Brother”. Tek “Ëndërrtjerrësit”, Arbana kujtoi një rast kur thërriti policinë për shkak të situatës së krijuar.
“Marrin pjesë në të njerëz që nuk zgjedhin shpesh herë me dashje të vijnë në televizion, por pranojn ë të vijnë dhe gjenden në situata të vështira dhe duhet t’i neutralizoj dhe kanë jo të pakta historitë e vështira.
Është një histori kur dy persona ishin kushërinj të largët dhe farefisi i vajzës nuk pranonte lidhjen. Kanë ardhur të gjithë, kërcënonim, “do të të vrasim”, thirrëm policinë. Vajza thoshte nuk dal nga studio se do më vrasin, djali thoshte do të dalim bashkë. E mori unazën, e pranoi, tani janë bashkë, janë të lumtur”, tregoi Arbana.
