Dy banorë kanë lënë shtëpinë e Big Brother mbrëmjen e kaluar. Genti dhe këngëtari Lorenc Hasrama s’do të jenë më pjesë e shtëpisë.
Genti ishte banori më pak i votuar dhe për këtë arsye ai u eliminua nga loja. Por, ndryshe nga Genti, i cili ishte i detyruar ta ndërpresë rrugëtimin e Big Brother për shkak se ashtu vendosi publiku, Lorenci është larguar me dëshirë nga shtëpia e tij.
Në fakt një gjë e tillë pritej, pasi pak para ‘Prime’, Lorenci në një bisedë me Luzin tha se kishte vendosur të largohej nga Big Brother pasi nuk mund të qëndronte më se nuk po e përballonte.
“Se përballoj dot, kam si ankth dua thjesht me dalë.S’mundem më. U bë gjithë kjo kohë nuk mësohem dot”, i tha ai Luizit.
