Ditën e djeshme Tayna i surprizoi të gjithë duke publikuar papritur këngën e saj më të re me titull “Pasite” në bashkëpunim me MC.Kresha dhe Lyrical Son. Kënga u pëlqye shumë dhe gati ka arritur një milion shikime.
Edhe pse në klip shfaqet energjike, në fakt në prapaskenë Tayna ka qenë shumë e lodhur. Reperja ka postuar sot një video ku shfaqet gjatë xhirimeve, e ulur në stol dhe e përhumbur pasi më përpara ka patur 4 koncerte dhe dy klipe.
“24 orë, 4 shfaqje edhe dy klipe qe vazhdun 4 dite po n’fund ja vlen gjithcka kur mundohesh m’i argtu njerzt qe t’dojn edhe merr lavdata. Jom shume e lumtur edhe krenare per krejt. E fillova duke bërë cover të këngëve të tyre dhe tani jam këtu. Të gjitha për një vit e gjysmë. MC.Kresha, Lyrical Son faleminderit! Ne ja dolëm”, shkruan Tayna.