Moderatorja e njohur e emisionit “Në kurthin e Piter Pan”, Alketa Vejsiu është kthyer në një ndër moderatoret më të dashura për publikun, emisionet e së cilës ndiqen nga të gjithë.
Shumë e ndjekur dhe aktive në rrjetet sociale, Alketa shpesh herë komunikon me fansat e saj ku herë pas here u kthen përgjigje për pyetjet që kanë. Ditën e sotme, shumë prej tyre i kanë drejtuar pyetje nga jeta Alketës, mirëpo një nga pyetjet që tërhoqi vëmendjen e të gjithëve ishte kur njëri nga fansat e pyeti se nëse ka ndërmend t’i hyjë ndonjëherë politikës.
“Ke menduar ndonjëherë t’i hysh politikës?”, e pyet fansi, ndërkohë që Alketa i ka sqaruar se nuk e ka në plan një gjë të tillë.
“As më shkon në mendje! Politika dhe misioni saj janë me vlerë, por për natyrën time do ishin kufizim i madh lirie!”, i është përgjigjur Alketa.